Transcription
1
Monseigneur, j’ey receu voz lettres du XIIIIe et par
2
icelles entendu votre bonne vollunté de ce que je vous
3
aveis escript par ce devant. Touteffois je vous avois escript
4
et envoyé la minute d’une procuration affin de pouvoir
5
retirer voz proces des hoiers de feu monsieur le procureur
6
Girard que vous me debves ranvoyer, ce que n’aves faict.
7
Il vous plerra la m’evoyer à votre premiere comodité.
8
Je ne fauldrey faire tenir voz lettres à monsieur du Chastellard
9
et confererey de voz afferes avec luy pour en vaoir son bon
10
advis, lequel apres le votre j’en suyvrey. Je suis apres
11
à fere acoustrer voz vignes. Ses jours passes madamoysele
12
de Sainct Prie s’est ung ressentiee de sa fiebvre et sa a
13
une reume qui l’a [rature] fache fort qu’est la cause que
14
elle se faict encoures une foys purger. J’espere que ne
15
sera rien. Je continue de luy bailher des polles et chappons
16
et font ce que je puis. Je luy ay presenté du blé et du vin qu’elle
17
n’a vollu prendre. Je luy ay faict approcher du charbon de
18
chechilienne et donné ordre qu’il y a une femme qui la pourveoit
19
toutes les sepmeynes des œufs et du berre, dequoy
20
elle vous remercie bien humblement, qu’est tout
21
ce que je vous puis escripre, apres avoir prié le
22
createur
23
Monseigneur vous avoir et tenir en sa saincte
24
garde, et vous meintenir en parfaicte sancté et longue
25
vie, de Grenoble, ce 17 mars 1574
26
Votre humble et obeyssant
27
serviteur à jamays
28
Jehan de Brunel